Genetik kişi sonsuzluğu müalicə edilə bilər
Osaka Universitetinin alimləri ilk dəfə olaraq "mRNT"nin birbaşa testis toxumasına çatdırılması vasitəsilə genetik cəhətdən sonsuz heyvanlarda spermatogenezi bərpa etməyi bacarıblar.
TodayPress TV xəbər verir ki, nəticələr “Proceedings of the National Academy of Sciences” (PNAS) jurnalında dərc olunub.
Tədqiqatda "Pdha2" geni üçün "mRNA"nı daşıyan lipid nanohissəcikləri sonsuz laboratoriya siçanlarına yeridilib. Üç həftə sonra yetkin embrion hüceyrələri əmələ gəlib və bu hüceyrələrdən istifadə edilərək "ICSI" (intrasitoplazmik sperma inyeksiyası) üsulu ilə canlı nəsil əldə olunub.
"mRNT" müvəqqəti olaraq çatışmayan və ya işləməyən genetik təlimatları əvəz edib, spermatozoid əmələ gəlməsi üçün zülal sintezini təmin edib. Texnologiya DNT-yə müdaxilə etmədən, genetik dəyişiklik yaratmadan təsdiqlənib.
Alimlər bildirirlər ki, bu üsul genetik səbəblərdən yaranan kişi sonsuzluğunun müalicəsində yeni imkanlar aça bilər və gələcəkdə insanlarda spermatogenez pozğunluqlarının müalicəsində tətbiq edilə bilər.
Türkan İsgəndərli
