Ceyhun Bayramov: “5 ölkə ilə vizasız gediş-gəliş müzakirə edilir”
“Vətəndaşların gediş-gəlişini sadələşdirmək məqsədilə Xarici İşlər Nazirliyi vizasız rejim tətbiq edilən ölkələrin sayının artırılması istiqamətində davamlı fəaliyyət göstərir. Bu proses müəyyən prinsiplər əsasında həyata keçirilir və bütün zəruri elementlər nəzərə alınır”.
TodayPress TV xəbər verir ki, bunu Azərbaycan Respublikasının xarici işlər naziri Ceyhun Bayramov ilin yekunlarına dair mətbuat konfransında jurnalistlərin sualını cavablandırarkən deyib.
Nazir bildirib ki, qarşılıqlı prinsip əsasında aparılan danışıqlar nəticəsində son illər Almaniya, Serbiya, BƏƏ, Qətər, Mərakeş və Çinlə vizasız gediş-gəliş təmin olunub. Onun sözlərinə görə, hazırda daha beş ölkə ilə bu istiqamətdə işlər davam etdirilir.
Qiymət Mahir
