Buenos-Ayresdən qlobal ÇAĞIRIŞ: Layiqli mənzil şəraiti hər kəsin hüququdur
“Buenos-Ayres əyalətinin milyonlarla sakini yaşayış evinə çıxış əldə etməyə ehtiyac duyur. Əhalimizin çox əhəmiyyətli bir hissəsi bu problemlə üzləşib və təəssüf ki, 2023-cü ildən bəri Argentinada milli səviyyədə idarəetmə məsuliyyətini daşıyanlar ictimai işləri dayandırıblar. Onlar yollar, körpülər, şosselər və yaşayış binaları kimi ictimai işlərə daha çox büdcə ayırmamaq qərarına gəliblər”.
TodayPress TV xəbər verir ki, bunu Ümumdünya Şəhərsalma Forumunun çərçivəsində keçirilən "LRG (Yerli və Regional Hökumətlər) rəhbərliyi: Adekvat mənzil və dayanıqlı icmalar üçün" adlı paneldə çıxış edən Quilmes (Argentina) şəhərinin bələdiyyə başçısı Mayra Mendoza deyib.
Bələdiyyə başçısı mövcud vəziyyətin yaratdığı çətinliklərə diqqət çəkib:
“Nəticədə, Quilmesdə 2023-cü ildən bəri 800-dən çox yaşayış evi yarımçıq qalıb və bu işləri nə vaxt davam etdirə biləcəyimiz bəlli deyil. Bu, ölkəmizdə yaşadığımız tənəzzülün bir hissəsidir və biz bunun üçün beynəlxalq birliyin və beynəlxalq həmrəyliyin təşkilatçılığına ehtiyac duyuruq. Bu, şübhəsiz ki, ictimai işlər, eləcə də əyalət və bələdiyyələr üçün ayrılan milli fondlara qarşı qoyulmuş özbaşına bir kəsinti idi”.
Mayra Mendoza, həmçinin Quilmes və ətraf beş bələdiyyədə yaşayan bir milyon yarım insanın həyatını dəyişdirmək üçün su və hidrotexniki qurğuların vacibliyini vurğulayıb:
“San-Fransisko və Las-Pyedras çayları hövzəsində bir milyon yarım insan yaşayır. Bu insanların layiqli şəkildə yaşaması üçün su və hidrotexniki qurğular lazımdır. Biz bunu milli hökumətlə əldə edə bilmirik. Ona görə də, Emilia, Birləşmiş Şəhərlər və Yerli Hakimiyyətlər təşkilatı (CGLU) tərəfindən BMT-nin Məskunlaşma Proqramında (UN-Habitat) görülən bu iş çox vacibdir. Bu, bizim öz fikrimizi bildirməyimiz və əhalimizin həyatını dəyişdirmək və onlara ləyaqət qazandırmaq üçün həll yolları tapmağımız üçün imkan yaradır”.
Çıxışının sonunda bələdiyyə başçısı qeyd edib ki, müvafiq mənzil şəraiti daha ədalətli və dözümlü icmaların təminatı üçün vacib şərtdir:
“Qarşımızda çoxlu çətinliklər var. Argentinanın istehsal və sosial ürəyi, mənim doğma şəhərim olan Buenos-Ayres əyalətindən, suverenliyimizə qəsd edən neoliberal tənzimləmə modelinə qarşı ictimai siyasətdə bir müqavimət formalaşdırırıq. Quilmesdən, Buenos-Ayresdən, Mercociudades və CGLU-dan bildiririk ki, müvafiq mənzil şəraiti daha ədalətli, təhlükəsiz və dözümlü icmalar üçün başlanğıc nöqtəsidir”.
Qiymət Mahir
