Zelenski Putin və Trampla üçtərəfli görüşə razıdır
Ukrayna prezidenti Volodimir Zelenski Rusiya prezidenti Vladimir Putinlə görüşməyə hazırdır.
TodayPress TV xəbər verir ki, Ukrayna lideri bu barədə “Sky News” telekanalına müsahibəsində bildirib.
O, üç prezident arasında ABŞ prezidenti Donald Trampın da iştirak edəcəyi üçtərəfli görüşə razılaşacağını , lakin danışıqların Moskvada baş tutmamalı olduğunu bildirib.
Bundan əvvəl ABŞ prezidenti Donald Tramp bildirib ki, Vladimir Putinlə Volodimir Zelenski arasında şəxsi ədavət onların birbaşa danışıqlarını mümkünsüz edir. Ağ Evin rəhbəri bir daha bəyan edib ki, Rusiya və Ukrayna liderləri arasında emosional və siyasi gərginliyi nəzərə alaraq, çox güman ki, özü danışıqlar aparmalı olacaq.
