Yunanıstanda miqrant qayığı batdı: 4 nəfər öldü
Yunanıstanda Egey dənizinin Lesbos adasının sahillərində miqrantlarla dolu qayıq batıb.
TodayPress TV xəbər verir ki, bu barədə "Associated Press" məlumat yayıb.
Hadisə nəticəsində biri uşaq olmaqla 4 nəfər həlak olub. 34 nəfər sağ qalaraq özləri sahilə çıxıb və polis tərəfindən tapılıb. Onlar qayıqda ümumilikdə 38 nəfərin olduğunu, heç kimin itkin düşmədiyini bildiriblər. Bu səbəbdən axtarış-xilasetmə əməliyyatı dayandırılıb.
Qayığın batma səbəbi hələlik məlum deyil. Həlak olanların və sağ qalanların milliyyəti barədə də rəsmi məlumat verilməyib.
Türkan İsgəndərli
