Xameneinin öldürülməsi ilə bağlı qərar 2025-də verilib
“İsrailin Baş naziri Benyamin Netanyahu İranın Ali dini lideri Əli Xameneinin aradan götürülməsi qərarını hələ 2025-ci ilin noyabrında qəbul edib”.
TodayPress TV xəbər verir ki, bunu İsrailin müdafiə naziri İsrael Katz “N12” telekanalına müsahibəsində bildirib.
Nazirin sözlərinə görə, həmin dövrdə Netanyahu məhdud tərkibli iclasda əsas hədəf kimi Xameneinin zərərsizləşdirilməsini müəyyən edib.
“Artıq noyabr ayında Baş nazirin iştirakı ilə çox dar tərkibli iclas keçirdik və o, Xameneinin aradan götürülməsini məqsəd kimi müəyyənləşdirdi”, – deyə Katz bildirib.
O əlavə edib ki, İran əleyhinə hərbi əməliyyatın ilkin planı 2026-cı ilin ortalarına nəzərdə tutulmuşdu.
Qiymət Mahir
