Vensin səfəri üçün bölgədə hazırlıq aparılır

ABŞ-dən böyük nümayəndə heyəti Ceyms Devid Vensin regiona planlaşdırılan səfərinə hazırlıq məqsədilə Ermənistana gəlib.

TodayPress TV xəbər verir ki, “Hraparak” qəzetinin məlumatına görə, nümayəndə heyəti bir neçə gün öncə İrəvana çataraq "Armenia Marriott Hotel" otelində yerləşib.

Onlar bir mərtəbəni tamamilə iş zonası kimi istifadə edir, otaqlarda yalnız masa və stullar saxlanılıb, digər mebellər çıxarılıb. Otel əməkdaşlarının həmin mərtəbəyə girişinə qadağa qoyulub, nümayəndə heyəti isə otelin başqa hissəsində gecələyir. Məlumata əsasən, heyətin qalma müddəti iki həftədir.

Qeyd edək ki, Ceyms Devid Vens fevralın 9-da Ermənistana səfər edəcək, ertəsi gün isə Bakıya yollanacaq.

Qiymət Mahir