Türkiyədə bayrağa qarşı qeyri-etik hərəkət edən turist saxlanıldı
Türkiyənin Nevşehir vilayətinin Uçhisar qəsəbəsində Türk bayrağının dalğalandığı dirəkdə qeyri-etik hərəkətlər edən əcnəbi vətəndaş saxlanılıb.
TodayPress TV xəbər verir ki, bu barədə "TRT Haber" məlumat yayıb.
Nevşehir Valiliyinin açıqlamasına görə, bəzi kütləvi informasiya vasitələri və sosial media platformalarında yayılan görüntülərlə bağlı təhlükəsizlik qüvvələri dərhal araşdırma işlərinə başlayıb.
Açıqlamada qeyd olunub ki, saxlanılan xarici vətəndaş barəsində Nevşehir Respublika Prokurorluğu tərəfindən Türkiyə Cəza Məcəlləsinin 300-cü (Bayrağa qarşı təhqir) və 301-ci (Türk millətini, dövləti, dövlət orqanlarını təhqir) maddələri əsasında cinayət işi açılıb.
Töhfə Səməd
