Türkiyə HHQ-yə məxsus təyyarənin qəzaya uğradığı ərazi mühafizəyə götürüldü

Türkiyə Hərbi Hava Qüvvələrinə məxsus təyyarənin qəzaya uğradığı ərazi mühafizəyə götürülüb.

TodayPress TV xəbər verir ki, Sığnaxi bələdiyyəsi ərazisində Azərbaycan sərhədindən 5 kmlik məsadədə Türkiyəyə məxsus C-130 tipli hərbi-nəqliyyat təyyarəsinin qəzaya uğradığı ərazi tam mühafizəyə götürülüb.

Hazırda hadisə yerinə yalnız Gürcüstan Daxili İşlər Nazirliyinin və xilasedici xidmətlərin əməkdaşları buraxılır.

Kənar şəxslərin, o cümlədən jurnalistlərin əraziyə daxil olmasına icazə verilmir.

Qeyd edək ki, Gürcüstanda qəzaya uğrayan Türkiyə Silahlı Qüvvələrinə məxsus C-130 təyyarəsinin göyərtəsində 20 hərbçi olub.