Trampın əmri icra edilir: Divarlar qara rəngə boyanmağa başlandı
ABŞ Prezidenti Donald Trampın əmri ilə Meksika sərhəddindəki divar qara rəngə boyanmağa başlanılıb.
TodayPress TV xəbər verir ki, buna səbəb qara rəngin günəş işığını daha çox udması və miqrantların qızan divara dırmaşmasının çətinləşməsidir.
ABŞ Daxili Təhlükəsizlik Naziri Kristi Noem bildirib ki, bu qərar Trampın şəxsi istəyinə əsasən həyata keçirilir.
“Burada heç bir sirr yoxdur. Bu addım miqrantların qarşısını almağa yönəlib və prezidentin təşəbbüsü ilə reallaşdırılır”, - deyə o əlavə edib.
Qeyd edək ki, Trampın müvafiq qərarından sonra sərhədi qanunsuz formada keçməyə çalışan 7 200-dən çox miqrant saxlanılıb. Məlumata görə, bu say ötən ayla müqayisədə 57 % çoxdur.
Töhfə Səməd
