Tramp: "İran təhdidlərə davam edərsə, bütün ölkə külə dönəcək"
ABŞ Prezidenti Donald Tramp İranın ona qarşı sui-qəsd təhdidlərini həyata keçirməyə çalışacağı təqdirdə "onları yer üzündən silmək" üçün çox qəti təlimatlar verdiyini bildirib.
TodayPress TV xəbər verir ki, bu fikirləri o, “NewsNation” telekanalına müsahibəsində deyib.
Ağ Ev liderinin sözlərinə görə, o, artıq ABŞ-yə çox sərt göstərişlər verib. O vurğulayıb ki, təhdidlərin həyata keçirilməsi halında nəticələr son dərəcə ağır olacaq.
“Əgər bu baş verərsə, bütün ölkə külə dönəcək", - deyə Tramp bildirib.
ABŞ prezidenti eyni zamanda sabiq prezident Co Baydeni tənqid edərək, onun prezidentliyi dövründə İran tərəfindən səsləndirilən təhdidlərə qarşı kifayət qədər sərt mövqe sərgiləmədiyini deyib.
Aysel Mətləb
