Rusiya-Ukrayna danışıqlarının 3-cü raundu

Rusiya və Ukrayna arasında İstanbulda aparılacaq növbəti danışıqlarda Rusiya tərəfinə Vladimir Medinski, Ukrayna tərəfinə isə Milli Təhlükəsizlik və Müdafiə Şurasının katibi Rüstem Umerov rəhbərlik edəcək.

TodayPress TV xəbər verir ki, bu barədə “TRT Haber” məlumat yayıb.

Görüşlərin əsas gündəmini əsirlərin azad olunması, itkin düşmüş uşaqların geri qaytarılması və insan itkilərinin qarşısının alınması məsələləri təşkil edir.

Qeyd edək ki, tərəflər son 5 ay ərzində İstanbulda iki dəfə danışıqlar aparıblar. Sonuncu müzakirə 2 iyun tarixində baş tutub və bu zaman əsir mübadiləsi daxil olmaqla bir sıra həssas məsələlər üzrə razılıq əldə olunub.

Töhfə Səməd