Polşa bəzi ölkələrə vizanı ləğv edir
Polşa hökuməti bəzi ölkələr üçün Şengen çərçivəsində vizasız girişin ləğvini təklif etməyə hazırlaşır.
TodayPress TV xəbər verir ki, bu barədə Polşa Daxili İşlər Nazirliyinin müavini Çeslav Mroçek bildirib.
O əlavə edib ki, qanun pozuntularının sayına görə bəzi ölkələrin vətəndaşlarına vizasız rejimdən imtina təklif ediləcək. Hələlik konkret ölkələrin adı çəkilməsə də, Mroçek Kolumbiyanı misal gətirib. 2024-cü ilin avqustundan Kolumbiya vətəndaşları iş məqsədli səfərlər üçün viza almalı olacaqlar, lakin turistlər üçün vizasız rejim qalacaq.
Polşa polisinin məlumatına görə, ölkədə ən çox qanun pozuntusu törədən əcnəbilər Ukrayna, Gürcüstan və Belarus vətəndaşlarıdır.
Türkan İsgəndərli
