Pezeşkian: "ABŞ və İsrail İslam ölkələrini zəiflətməyə çalışır"
İran Prezidenti Məsud Pezeşkian ABŞ və İsrailin regiondakı böyük İslam ölkələrini zəiflətməyə çalışdığını bildirib.
TodayPress TV xəbər verir ki, bu barədə "Mehr News Agency" məlumat yayıb.
O, bu fikirləri Misir Prezidenti Əbdül Fəttah əs-Sisi ilə telefon danışığı zamanı səsləndirib. Pezeşkian qeyd edib ki, Vaşinqton və Təl-Əviv İran, Misir, Türkiyə və Səudiyyə Ərəbistanı kimi regional güclərin bölgədə güclü mövqeyə sahib olmasına dözmür.
Telefon danışığı zamanı iki lider ABŞ və İsrailin İrana hücumlarından sonra yaranan son regional və beynəlxalq vəziyyəti müzakirə ediblər. Pezeşkian bildirib ki, İran hücuma məruz qaldığı vaxt danışıqlar prosesində iştirak edirdi və bunun Vaşinqtonun real həll yolu axtarmadığını göstərdiyini deyib.
İran prezidenti İslam ölkələrini müsəlman dünyasında parçalanma yaratmaq cəhdlərinə qarşı ayıq-sayıq olmağa çağırıb və regionda birlik, sabitlik və sülhün gücləndirilməsini dəstəklədiyini bildirib.
Türkan İsgəndərli
