Paşinyan: "Ermənistan KTMT-yə qayıtmayacaq"
"Ermənistan Kollektiv Təhlükəsizlik Müqaviləsi Təşkilatı (KTMT) ilə yenidən əməkdaşlıq etməyəcək".
TodayPress TV xəbər verir ki, bunu ölkənin Baş naziri Nikol Paşinyan deyib.
Onun sözlərinə görə, yaxın gələcəkdə bu istiqamətdə müsbət dəyişiklik gözlənilmir.
Paşinyan Moskvada Rusiya Prezidenti Vladimir Putin ilə görüşündə KTMT-nin Qarabağ məsələsində Ermənistana dəstək vermədiyini bildirib. Putin isə cavabında qeyd edib ki, Ermənistan özü 2022-ci ildə Qarabağı Azərbaycanın ərazisi kimi tanıyıb.
Baş nazir əlavə edib ki, “Qarabağ hərəkatı”na son qoymağın vaxtıdır və Azərbaycanla sülh sazişi artıq əldə olunub. Bununla yanaşı, o, münasibətlərin normallaşmasında Rusiyanın rolunu da qeyd edib.
Türkan İsgəndərli
