Pakistan və İran XİN rəhbərləri regional məsələləri müzakirə etdilər
Pakistanın Baş nazirinin müavini və xarici işlər naziri Məhəmməd İshaq Dar İranın xarici işlər naziri Abbas Əraqçi ilə telefon danışığı aparıb.
TodayPress TV xəbər verir ki, bu barədə Pakistan Xarici İşlər Nazirliyinin mətbuat xidməti sosial şəbəkələrdə məlumat yayıb.
Telefon danışığı zamanı nazirlər müxtəlif sahələrdə ikitərəfli əməkdaşlıq məsələlərini nəzərdən keçirib, həmçinin regional inkişaflar ətrafında fikir mübadiləsi aparıblar.
Tərəflər ticarət, kommunikasiya və əlaqələrin daha da gücləndirilməsi istiqamətində öhdəliklərini bir daha təsdiqləyiblər və regional sülhün, sabitliyin və inkişafın təmin olunması üçün sıx əməkdaşlığı davam etdirməyə hazır olduqlarını vurğulayıblar.
Türkan İsgəndərli
