Pakistan Əfqanıstanla atəşkəs barədə razılığa gəldi
Pakistan və Əfqanıstandakı "Taliban" administrasiyası 48 saatlıq müvəqqəti atəşkəs barədə razılığa gəlib.
TodayPress TV xəbər verir ki, bu barədə İslamabadın Xarici İşlər Nazirliyi məlumat yayıb.
Atəşkəs oktyabrın 15-də saat 18:00-da (Bakı vaxtı ilə 17:00) qüvvəyə minib. Nazirliyin bəyanatında bildirilir ki, tərəflər bu mürəkkəb, lakin həll edilə bilən problemin sülh yolu ilə aradan qaldırılması üçün səy göstərəcəklər.
Atəşkəs qərarı, oktyabrın 11-də Əfqanıstan–Pakistan sərhədində baş verən silahlı toqquşmalardan sonra qəbul edilib. Həmin vaxt Kunar, Nanqarhar və Hilmənd əyalətlərində atışma və partlayışlar qeydə alınıb.
Türkan İsgəndərli
