NYT: Putin Trampdan Ukraynada rus dilinin qorunmasını tələb edib
“New York Times” Avropa rəsmilərinə istinadən yazır ki, Alyaskada keçirilən görüşdə Rusiya Prezidenti Vladimir Putin ABŞ-dən Ukraynada rus dilinə rəsmi status verilməsi ilə bağlı təminat istəyib. Bundan başqa, o, pravoslav kilsələrinin təhlükəsizliyinin təmin edilməsində də israr edib.
TodayPress TV xəbər verir ki, Putin və ABŞ Prezidenti Donald Trampın avqustun 15-də Alyaskada baş tutan görüşü hər iki tərəf tərəfindən faydalı və səmərəli kimi qiymətləndirilib.
Qeyd edək ki, Ukrayna qanunvericiliyinə görə, rus dili dövlət dili statusuna malik deyil. Konstitusiyanın 10-cu maddəsinə əsasən, Ukraynanın dövlət dili yalnız ukrain dili sayılır.
Qiymət Mahir
