"Nina Ricci"nin kreativ direktoru vəzifəsini tərk etdi
Dizayner Harris Rid "Nina Ricci" şirkətinin kreativ direktoru vəzifəsini tərk edib.
TodayPress TV xəbər verir ki, bu barədə "Vogue Business" məlumat yayıb.
H.Rid öz şəxsi brendinin və fərdi layihələrinin inkişafına diqqət yetirmək qərarına gəlib.
Ondan sonra bu postu tutacaq dizaynerin adı hələlik şirkət tərəfindən açıqlanmır.
"Mən bütün qəlbimlə "Nina Ricci"ni və bu qeyri-adi komandanı sevdim. Bu təcrübə əbədi olaraq mənim üçün dərin şəxsi bir mərhələ olaraq qalacaq və mən bununla hədsiz qürur duyuram. İndi bütün enerjimi yeni, inanılmaz dərəcədə həyəcanverici mərhələyə qədəm qoyan öz brendimə yönəltməyin vaxtıdır", - deyə H.Rid bildirib.
