Moldova uşaqlara sosial şəbəkələri qadağan edəcək
Moldova 16 yaşdan kiçik uşaqlar üçün sosial medianın qadağan edilməsini təklif edib.
TodayPress TV xarici KİV-ə istinadən xəbər verir ki, təşəbbüs ölkənin İqtisadi İnkişaf və Rəqəmsallaşma Nazirliyinin dövlət katibi Mişel İliyev tərəfindən irəli sürülüb.
Ölkənin hakimiyyət orqanlarının fikrincə, belə bir tədbir uşaqların rəqəmsal asılılığı, onların zərərli məzmuna məruz qalması, yetkinlik yaşına çatmayanların süni intellektdən nəzarətsiz istifadə etmələri ilə əlaqədar qəbul edilməlidir.
Xatırladaq ki, Avstraliya 2024-cü ilin noyabrında 16 yaşından kiçik şəxslər üçün sosial şəbəkədən istifadəni qadağan edən ilk ölkə olmuşdu.
