Mərkəzi Asiyada KTMT-nin “Rubej 2025” təlimləri başladı
Kollektiv Təhlükəsizlik Müqaviləsi Təşkilatının (KTMT) “Rubej 2025” komanda-qərargah hərbi təlimləri çərşənbə günü Qırğızıstanda start götürüb.
TodayPress TV xəbər verir ki, təlimlərdə Mərkəzi Asiya regionunun Kollektiv Sürətli Reaksiya Qüvvələri iştirak edir.
Qırğızıstan, Qazaxıstan, Rusiya və Tacikistan hərbçiləri, eləcə də KTMT-nin Birləşmiş Qərargahı və Katibliyinin əməliyyat qrupları təlimə cəlb olunub. Qırğızıstan Müdafiə Nazirliyinin məlumatına görə, manevrlərdə 1 200-ə yaxın hərbçi və 500-dən çox hərbi və xüsusi texnika – təyyarələr, helikopterlər, dronlar və döyüş katerləri iştirak edir.
Qırğızıstanda keçirilən təlimlər 17–20 sentyabr tarixlərində davam edəcək.
Qiymət Mahir
