Maduro Venesuelanın ABŞ ilə dialoqa hazır olduğunu açıqladı

“Venesuela təhdid və təzyiqlərlə deyil, yalnız hörmət əsasında ABŞ ilə dialoqa hazırdır.”

TodayPress TV xəbər verir ki, bu barədə Venesuela prezidenti Nikolas Maduro məlumat verib.

"Cənab Prezident Tramp, diqqətli olmalısınız. Çünki Marko Rubio sizin əllərinizi qana, Cənubi Amerikalıların, Karib hövzəsinin, Venesuelalıların qanına ləkələmək istəyir. Onlar sizin soyadınızın, əbədi olaraq qana bulanmasını istəyirlər. Venesuela xalqına qarşı qırğın, Cənubi Amerikaya qarşı dəhşətli müharibə dəhşətli nəticələrə gətirib çıxaracaq.”, - Maduro bildirib.

Maduro daha sonra ölkəsinin hansı şərtlərlə dialoqa hazır olduğunu da vurğulayıb

"Ancaq o, ağıllı adamdır. Bəli, o nə edəcəyini biləcək. Ümid edirəm ki, bizdə olan kommunikasiya kanalları bərpa olunacaq. Əgər belə olsa, biz hamımız bunun tərəfdarıyıq. Hörmətlə, hər şey mümkündür. Təhdidlər və maksimum təzyiq olarsa, bizim tərəfimizdən maksimum hazırlıq və maksimum itaətsizlik olacaq. Biz imperializm və müstəmləkəçiliyə itaətsizlikdə dünya çempionuyuq", - Maduro əlavə edib.