"Labubu" istehsalçısının mənfəəti 5 dəfə artdı

Çinli yumşaq oyuncaq istehsalçısı "Pop Mart" məşhur "Labubu" kuklaları sayəsində son aylarda nəhəng artım göstərib və bazar kapitallaşmasına görə "Qazprom"u geridə qoyub.

TodayPress TV xəbər verir ki, bu barədə "Bloomberg" məlumat yayıb.

Şirkət 2025-ci ilin birinci yarısında xalis mənfəətinin 397 faiz artaraq beş dəfə yüksəldiyini, gəlirlərinin isə 204 faiz artaraq 1,93 milyard dollara çatdığını açıqlayıb.

Bu sürətli böyümənin əsas səbəbi "Labubu" adlı qulaqlı və dişli yumşaq canavar oyuncaqlarının qlobal populyarlığıdır. Məlumata görə, bu uğur "Pop Mart"ın məhsulları "surpriz qutular"da satmaq strategiyasından qaynaqlanır. Müştərilər hansı kuklanı alacaqlarını bilmədikləri üçün daha çox qutu alaraq maraqlarını təmin etməyə çalışırlar. Bu, kolleksiyaçılıq həvəsini də gücləndirir.

Türkan İsgəndərli