Kreml: Rusiya sülh istəyir, lakin Kiyev bu imkanı bağlayıb
Kreml ABŞ-nin Rusiyanın sülh istəmədiyi barədə fikri ilə razılaşmayıb.
TodayPress TV xəbər verir ki, Kremlin sözçüsü Dmitri Peskov Rusiyanın sülh istədiyini və Ukrayna münaqişəsinin siyasi-diplomatik yolla həllinə açıq olduğunu bildirib.
Onun sözlərinə görə, Kiyev bu imkanı bağladığı üçün Rusiya “xüsusi hərbi əməliyyatı” davam etdirir.
Peskov əlavə edib ki, Moskva üçün əsas məsələ təhlükəsizliyi təmin etmək və qarşıya qoyulan vəzifələri yerinə yetirməkdir. ABŞ dövlət katibi Marko Rubio isə daha əvvəl bəyan etmişdi ki, Vaşinqtonun fikrincə, Rusiya hazırda sülh istəmir.
Jalə Rövşən
