Kreml Alyaska sammitinin detallarını açıqlamağı məqsədəuyğun saymır

Rusiya tərəfi hesab edir ki, Alyaskada keçirilən sammitin detallarının ictimaiyyətə açıqlanması ümumi iş üçün faydalı olmaz.

TodayPress TV xəbər verir ki, bu barədə Rusiya prezidentinin mətbuat katibi Dmitri Peskov Ukrayna üzrə mümkün kompromislərlə bağlı iddialara münasibət bildirərkən “TASS”a açıqlama verib.

Peskov qeyd edib ki, görüşdə Ukrayna ilə bağlı məsələlər müzakirə olunub, lakin danışıqların səmərəli nəticə verməsi üçün işin qapalı formatda aparılması daha məqsədəuyğundur: 

“Biz hesab edirik ki, hər hansı detalları açıq şəkildə paylaşmaq ümumi proses üçün faydalı olmaz. Yalnız qapalı rejimdə aparılan iş nəticəyə gətirib çıxara bilər”.

Kremlin sözçüsü əlavə edib ki, Rusiya Prezidenti Vladimir Putinlə ABŞ Prezidenti Donald Tramp arasında “məzmunlu, konstruktiv, faydalı və zəruri” söhbət baş tutub. Onun sözlərinə görə, Moskva bu danışıqların nəticəliliyini yüksək qiymətləndirir.

Qiymət Mahir