Konqo və Ruanda nümayəndələri ilkin sülh razılaşmasına gəldilər
Konqo Demokratik Respublikasının və Ruandanın nümayəndələri ölkənin şərqində davam edən münaqişəyə son qoymaq məqsədilə ilkin sülh razılaşması əldə ediblər.
TodayPress TV xəbər verir ki, bu barədə ABŞ Dövlət Departamenti məlumat yayıb.
Bildirilib ki, Afrika ölkələri arasında sülh danışıqları bu həftə Vaşinqtonda ABŞ-nin vasitəçiliyi ilə baş tutub.
Rəsmi sənədin 27 iyun tarixində imzalanacağı gözlənilir.
Qeyd edək ki, bu ilin yanvarında Konqo Demokratik Respublikası ilə Ruanda arasındakı sərhəd bölgələrində baş verən qarşıdurmalarda minlərlə insan həlak olub.
Töhfə Səməd
