Kolumbiyada torpaq sürüşməsi: 23 nəfər öldü

Kolumbiyanın qərbində yerləşən Bello bələdiyyəsində torpaq sürüşməsi baş verib. 

TodayPress TV xəbər verir ki, hadisə nəticəsində azı 23 nəfər həlak olub, 13 nəfər isə itkin düşüb.

Səlahiyyətlilər "X" sosial şəbəkəsində yaydıqları bəyanatda həyatını itirənlərin ailələrinə başsağlığı veriblər.

Məlumata görə, sürüşmə nəticəsində ümumilikdə 1948 nəfər xəsarət alıb, dağıntılar altından 23 nəfər isə xilas edilib.

Qeyd edək ki, təbii fəlakət iyunun 24-də Bello şəhərinin Qranizal qəsəbəsində baş verib. Sürüşməyə səbəb bölgədə bir neçə gündür davam edən güclü leysan yağışları göstərilir.

Türkan İsgəndərli