Keniyada Prezident sarayına oxla hücum edildi
Keniyanın paytaxtı Nayrobidə prezident sarayının girişində oxla hücum olub.
TodayPress TV xarici KİV-ə istinadən xəbər verir ki, oktyabrın 13-ü səhər yay və oxla silahlanmış 56 yaşlı kişi sarayın qapısındakı mühafizəçilərə yaxınlaşıb və “dayan” əmrinə tabe olmayıb.
Belə ki, o, polis əməkdaşı Ramadhan Matankanı oxla vurub.
Yaralı polis xəstəxanaya çatdırılsa da, həyatını itirib.
Hücum edən şəxsin yay və oxları çantada daşıdığı, evsiz kimi davrandığı bildirilir. O, polis tərəfindən saxlanılıb və bu gün məhkəmə qarşısına çıxarılacaq.
Hadisə Keniyanın ən ciddi mühafizə olunan obyektlərindən biri olan Prezident sarayında təhlükəsizlik boşluğu ilə bağlı müzakirələrə səbəb olub.
Jalə Rövşən
