Kamçatkada ardıcıl 4 zəlzələ baş verdi

Rusiya Federasiyasının Kamçatka vilayətinin Petropavlovsk-Kamçatskidən 167 km aralıda 6,8 bal gücündə zəlzələ qeydə alınıb. 

TodayPress TV xəbər verir ki, bu, bölgədə son günlərdə baş verən ardıcıl dördüncü zəlzələdir.

Seysmoloqlar bildiriblər ki, zəlzələnin parametrləri üzərində iş davam edir. Zəlzələ nəticəsində şəhərdə sirenlər səslənib və sunami təhlükəsi elan olunub. Yerli göllərdən birində suyun səviyyəsinin nəzərəçarpacaq dərəcədə qalxdığı bildirilir.

Qeyd edək ki, daha əvvəl bu ərazidə 5,3, 6,5 və 7,6 bal gücündə üç zəlzələ qeydə alınıb. Son iki zəlzələ yerli sakinlər tərəfindən hiss olunub.

Türkan İsgəndərli