İsrail Livandakı "Hizbullah" hədəflərinə zərbələr endirdi

İsrail Müdafiə Qüvvələri (İMQ) Beyrutda "Hizbullah"ın hədəflərinə zərbələr endirib.

TodayPress TV xəbər verir ki, bu barədə İMQ-nin sözçü ofisi "Telegram" kanalında məlumat verib.

"Bu səhər İsrail Müdafiə Qüvvələri Beyrutun Dahiya bölgəsində "Hizbullah" komandanlıq mərkəzləri və terror təşkilatının silah saxladığı obyektlər də daxil olmaqla hədəflərə qarşı əlavə bir zərbə dalğası həyata keçirdi", - deyə açıqlamada bildirilir.

İsrail Müdafiə Qüvvələri əlavə edib ki, hücumlardan əvvəl mülki əhaliyə zərər vurma riskini azaltmaq üçün əvvəlcədən xəbərdarlıqlar, dəqiq idarə olunan sursatların istifadəsi və havadan müşahidə daxil olmaqla tədbirlər görülüb.