İsrail: "Hizbullah" tərksilah edilənədək Livana hücumlar davam edəcək”

İsrailin müdafiə naziri İsrael Kats bəyan edib ki, ölkəsi "Hizbullah" silahlı qruplaşması Livanda tərksilah olunmayınca bu ölkəyə hərbi zərbələrini davam etdirəcək.

TodayPress TV xəbər verir ki, bu barədə "AFP" məlumat yayıb.

Nazir əlavə edib ki, Livan atəşkəs razılaşmasına əməl etməz və İsrailin təhlükəsizliyini təmin etməzsə, sülh və sabitlik gözləməsi əsassızdır.

Qeyd edək ki, İsrail Ordusu ötən gecə "Hizbullah"a məxsus yeraltı mövqelərə Beyrutda hava zərbələri endirdiyini açıqlayıb. Livan tərəfi isə bunu ötən ilin noyabrında əldə olunmuş atəşkəs razılaşmasının açıq şəkildə pozulması kimi qiymətləndirib.

Töhfə Səməd