İranda planlaşdırılan terror aktlarının qarşısı alındı
İranın hüquq-mühafizə orqanları Tehranın cənubunda yerləşən Rey şəhərində bir qrup naməlum şəxsin planlaşdırdığı silsilə terror aktlarının qarşısını alıb.
TodayPress TV xəbər verir ki, bu barədə "Mehr" agentliyi məlumat yayıb.
Məlumata görə, saxlanılan şəxslərin daxil olduğu qruplaşmanın İsrailin "Mossad" kəşfiyyat xidməti ilə əlaqəsi olduğu iddia olunur. Hüquq-mühafizə orqanları qeyd edib ki, polis əməliyyatı zamanı təhlükə tam aradan qaldırılıb və mümkün hücumların qarşısı vaxtında alınıb.
Hadisə ilə bağlı İsrail tərəfi hələlik rəsmi açıqlama verməyib.
Türkan İsgəndərli
