İranda 22 gündür ki, internet yoxdur
İranda internet 500 saatdan çox və ya 22 gündür ki, demək olar ki, tamamilə kəsilib.
TodayPress TV xəbər verir ki, bu barədə Beynəlxalq internet monitorinq xidməti "NetBlocks" məlumat yayıb.
Nəşr bildirir ki, 528 saatdan sonra İran dünyadan təcrid olunmanın 23-cü gününə qədəm qoyur.
Monitorinq xidməti İslam Respublikasının artıq dörd həftədir ki, oflayn olduğunu vurğulayıb.
Qeyd edək ki, martın 15-də İranın xarici işlər naziri Abbas Əraqçi "CBS News"a bildirib ki, İrana davam edən hücum səbəbindən təhlükəsizlik səbəbləri ilə internetə çıxış məhdudlaşdırılıb.
Xatırladaq ki, fevralın 28-də ABŞ İsraillə birlikdə İrana qarşı hərbi əməliyyata başlayıb.
