İran Prezidenti Məsud Pezeşkian İranın kəşfiyyat naziri İsmayıl Xətibin İsrail Müdafiə Qüvvələrinin hücumu nəticəsində öldürüldüyünü təsdiqləyib.
TodayPress TV "Kommersant"a istinadən xəbər verir ki, Prezident bu barədə "X" sosial şəbəkəsində yazıb.
“İki hökumət üzvünün, Ali Milli Təhlükəsizlik Şurasının katibinin və hərbi komandirlərin şəhid olması ilə əlaqədar böyük İran xalqına başsağlığı verirəm”,- o bildirib.
Qeyd edək ki, İsmayıl Xətib 2021-ci ilin avqust ayında İranın kəşfiyyat naziri vəzifəsinə təyin olunub. Bundan əvvəl o, keçmiş Ali Lider Əli Xameneinin təhlükəsizlik üzrə rəhbəri vəzifəsində çalışıb. 2012–2019-cu illərdə isə Məhkəmə Müdafiəsi və Kəşfiyyat Mərkəzinə rəhbərlik edib.
Jalə Rövşən
TodayPress TV
