İordaniyadan Qəzzaya yardım karvanı göndərildi

İordaniya Haşim Xeyriyyə Təşkilatı (JHCO) iyulun 14-də ağır humanitar vəziyyətin hökm sürdüyü Qəzza zolağına daha bir yardım karvanı göndərib.

TodayPress TV xəbər verir ki, təşkilatın məlumatına görə, İordaniya Silahlı Qüvvələri və BMT-nin Ümumdünya Ərzaq Proqramı ilə birgə təşkil olunan karvan 50 yük maşınından ibarətdir və əsasən ərzaq məhsulları ilə yüklənib.

Yardım qida və digər zəruri ehtiyacların kəskin çatışmazlıq yaşandığı şimal Qəzzaya yönəldilib. Bundan əlavə, Qəzzadakı İordaniya səhra xəstəxanasına 3 000 qan vahidi çatdırılır. Yerli mənbələrə görə, bölgədə gündəlik təxminən 400 qan vahidinə ehtiyac var.

Qiymət Mahir