İordan vadisində fələstinlilərə hücum: 5 nəfər yaralandı

İordan vadisinin şimalında yerləşən Ras əl-Əhmər yaxınlığında yəhudi məskunlaşanların hücumu nəticəsində beş fələstinli yaralanıb.

TodayPress TV xəbər verir ki, bu barədə Fələstin Qırmızı Aypara Cəmiyyəti məlumat yayıb.

Məlumata görə, yaralananlardan üçü xəstəxanaya yerləşdirilib. Hadisə İordan çayının qərb sahilində yerləşən Ras əl-Əhmər çoban icması yaxınlığında baş verib.

Fələstin Muxtariyyətinin rəsmi "WAFA" agentliyi bildirir ki, çobanlar mal-qaranı otarmağa çıxardıqları zaman bir qrup məskunlaşan onlara bibər qazı ilə hücum edib və ərazini tərk etməyə məcbur edib.

Hadisə ilə bağlı İsrail Müdafiə Qüvvələri (IDF) hələlik sorğuya cavab verməyib.

Qiymət Mahir