İndoneziyada daşqın: 900-dən çox insan öldü
İndoneziyanın Sumatra adasında güclü leysanların səbəb olduğu daşqınlar nəticəsində azı 908 nəfər həyatını itirib, 4200-dən çox insan yaralanıb.
TodayPress TV xəbər verir ki, bu barədə İndoneziya Milli Fövqəladə Halların İdarəolunması Agentliyi məlumat yayıb.
Agentlik həmçinin bildirib ki, 400-dən çox insan hələ də itkin düşüb.
Bundan əvvəl ölənlərin sayının təxminən 850, yaralıların isə 2700 olduğu açıqlanmışdı.
Qeyd edək ki, ötən həftə İndoneziya, Şri-Lanka və Taylanda təsir edən güclü siklon bölgədə torpaq sürüşmələri və digər təbii fəlakətlərə səbəb olub.
Türkan İsgəndərli
