II Qareginin Gürcüstana səfərinə icazə verilmədi
Ermənistan İstintaq Komitəsi bütün ermənilərin katolikosu II Qareginin Tbilisiyə səfər etməsinə icazə verməyib.
TodayPress TV xəbər verir ki, bu barədə onun vəkili Ara Zöhrabyan açıqlama verib.
O bildirib ki, katolikos II İlyanın dəfn mərasimində iştirak etmək üçün Gürcüstan Pravoslav Kilsəsi tərəfindən dəvət olunub.
Vəkil qeyd edib ki, bununla bağlı müstəntiqə müraciət etsə də, ərizə rədd edilib və katolikosun ölkədən çıxışına icazə verilməyib.
Xatırladaq ki, Ermənistan Prokurorluğu bu ilin fevralında II Qareginə qarşı keçmiş ruhani Arman Saroyanla bağlı məhkəmə qərarının icrasına mane olmaq ittihamı ilə cinayət işi açıb. Bu səbəbdən onun ölkədən çıxışına qadağa qoyulub.
Türkan İsgəndərli
