Hindistan neft təchizatı vəziyyətinin tam təhlükəsiz olduğunu bildirir
“Davam edən Yaxın Şərq münaqişəsi fonunda Hindistanda neft və təbii qaz təchizatı vəziyyəti tam təhlükəsiz və nəzarət altındadır”.
TodayPress TV xəbər verir ki, bu barədə Hindistanın federal Neft və Təbii Qaz Nazirliyi məlumat yayıb.
Bildirilib ki, Hindistanın hazırda təxminən 60 günlük xam neft və yanacaq ehtiyatı, eləcə də 800 min ton təminatlı maye qaz ehtiyatı var.
"Növbəti iki ay ərzində xam neft tədarükü də təmin edilib. Hindistan növbəti bir neçə ay ərzində tamamilə təhlükəsizdir", - deyə açıqlamada qeyd edilib.
Bundan əlavə, ölkə daxilində maye qaz çatışmazlığının olmadığı vurğulanıb.
Aysel Mətləb
