Hakan Fidan: “Müharibəni yenidən başlatmaq səhvdir”
Türkiyənin xarici işlər naziri Hakan Fidan ABŞ-nin İrana hücumunun "səhv" olacağı barədə xəbərdarlıq edərək, Vaşinqton və Tehranı məsələləri diplomatik və tədricən həll etməyə çağırıb.
TodayPress TV xəbər verir ki, bu barədə o, "Əl-Cəzirə" telekanalına müsahibəsində məlumat verib.
O, İranla gərginliyin artması və ABŞ-nin Yaxın Şərqdə hərbi aktivlər topladığı bir vaxtda dövlətləri regional əməkdaşlığa çağırıb.
"Müharibəni yenidən başlatmaq səhvdir. İran yenidən nüvə proqramı üzrə danışıqlara hazırdır", - deyə nazir bildirib.
Məlumata görə, güclənən ritorikaya baxmayaraq, Fidan diplomatik həllin hələ də mümkün olduğunu irəli sürüb.
Xatırladaq ki, ABŞ Prezidenti Donald Trampın 2025-ci ilin iyun ayında baş verən 12 günlük münaqişədən sonra İrana qarşı yeni hücumlar başlatmaqla hədələməsi səbəbindən ABŞ körfəzə təyyarədaşıyan gəmi hücum qrupu göndərib. İran rəsmiləri isə öz növbəsində yenidən hücuma məruz qaldıqları təqdirdə "hərtərəfli və peşmançılıq doğuran cavab" verəcəklərini qeyd ediblər.
Bundan əlavə, yanvarın 27-də Tramp bölgədə artan ABŞ hərbi gücündən bəhs edib:
“Hazırda İrana doğru gözəl şəkildə üzən başqa bir gözəl armada var. Ümid edirəm ki, razılığa gələcəklər”.
Aysel Mətləb
