Finlandiya rəsmi olaraq Ottava Konvensiyasından çıxdı
Finlandiya rəsmi olaraq Piyada Əleyhinə Minaların Qadağan Edilməsi Haqqında Ottava Konvensiyasından çıxıb.
TodayPress TV xəbər verir ki, bu barədə "Yle" qəzeti məlumat yayıb.
Bu barədə ölkə ötən ilin 10 iyulunda BMT-yə rəsmi bildiriş göndərib və sazişin ləğvi altı ay sonra qüvvəyə minib.
Ottava Konvensiyası üzv ölkələrin hərbi arsenallarından piyada əleyhinə minaların çıxarılmasını, həmçinin onların istehsalını, saxlanmasını və ötürülməsini qadağan edir.
Qeyd olunur ki, ötən ilin mart ayında Litva, Latviya və Estoniya, iyun ayında isə Ukrayna bu konvensiyadan çıxdıqlarını elan etmişdilər. Finlandiya sonuncu olaraq oxşar qərar qəbul edən ölkələr sırasına qoşulub.
Türkan İsgəndərli
