Filippin qasırğa səbəbindən 31 reysi ləğv etdi
Filippin Hava Yolları noyabrın 6-na planlaşdırılan 31 reysi “Kalmaegi” (yerli adı “Tino”) qasırğası səbəbindən ləğv edib.
TodayPress TV xəbər verir ki, şirkət bu qərarı sərnişinlərin təhlükəsizliyini təmin etmək məqsədilə verdiyini açıqlayıb.
Aviadaşıyıcı bildirib ki, qasırğa Vissai adaları və Mindanaonun bir hissəsinə təsir göstərə bilər. Ləğv edilmiş reyslərin sərnişinlərinə hava limanına gəlməmələri, əvəzində biletlərini başqa vaxta dəyişmək və ya tam geri ödəmə almaq təklif olunur.
Türkan İsgəndərli
