Estoniya Ukraynaya “Starlink” üçün 3,5 milyon avro yardım ayırdı
Estoniya Ukraynaya “Starlink” rabitə sistemlərinin alınması üçün 3,5 milyon avro ayırıb.
TodayPress TV xəbər verir ki, bu barədə Estoniyanın müdafiə naziri Hanno Pevkur bildirib.
Onun sözlərinə görə, Ukrayna ehtiyacları barədə tərəfdaşları öncədən məlumatlandırıb.
“Bu yardım onlar üçün son dərəcə vacibdir və döyüş meydanında real təsiri var. Xüsusilə Ukraynanın dronların sayını əhəmiyyətli dərəcədə artırmaq planı fonunda “Starlink” sistemlərinin yüksək sürətli internet bağlantısı təmin etməsi daha da önəm kəsb edir”, – nazir qeyd edib.
Jalə Rövşən
