Dünyanın ən güclü Windows planşeti təqdim olundu
OneXPlayer şirkəti ən güclü Windows planşeti hesab edilən Super X modelini təqdim edib.
TodayPress TV "WCCFTech" ə istinadən xəbər verir ki, yeni planşet AMD Ryzen AI Max+ 395 prosessoru və inteqrasiya olunmuş Radeon 8060S qrafikası ilə təchiz edilib.
Cihaz xarici maye soyutmanı dəstəkləyən ilk Windows planşetidir. Bu sistem prosessorun enerji gücünü 120 Vt-a qədər artırmağa imkan verir. Super X-in 14 düymlük OLED ekran, 83,5 Vt/saat batareya və Mini SSD dəstəyi ilə gələcəyi bildirilib.
Kickstarter üzərindən satışa çıxacaq planşetin başlanğıc qiyməti 1900 dollar olacaq. Xarici maye soyutmalı versiyanın qiyməti isə 1960 dollardan başlayacaq.
Jalə Rövşən
