Çində iki gəmi şirkəti birləşir

Çin Çin Dövlət Gəmiqayırma Sənayesi (CSSC) və Çin Gəmiqayırma Sənayesinin  birləşməsini tamamlayır. Nəticədə, yeni qurum dünyanın ən böyük gəmiqayırma şirkəti olacaq.

TodayPress TV xəbər verir ki, bu barədə "The Wall Street Journal" məlumat yayıb.

Yeni şirkət qlobal gəmiqayırma bazarının 17%-nə sahib olacaq və 18 milyard dollar gəlirə malik olacaq. Onun portfelində ümumi dedveyti 54 milyon ton olan 530 gəmi yer alır.

Qeyd edək ki, bu iki şirkət əvvəllər də birgə fəaliyyət göstərirdi, lakin 1999-cu ildə Çin hökuməti onları rəqabət yaratmaq məqsədilə ayırmışdı. İndi isə Pekin dövlət sənaye strukturlarının yenidən konsolidasiyası siyasəti çərçivəsində bu addımı atır.

Türkan İsgəndərli