Britaniya və Almaniya 70 milyon dollarlıq artilleriya sistemləri alacaq
London və Berlin 70 milyon dollar məbləğində mobil artilleriya sistemlərinin birgə alınması üçün müqavilə imzalayıb.
TodayPress TV xəbər verir ki, bu barədə Böyük Britaniya Müdafiə Nazirliyi məlumat yayıb.
Məlumata görə, Britaniya "RCH 155" özüyeriyən artilleriya qurğusunun nümayiş versiyalarını alacaq, daha iki nümunə isə test üçün Almaniyaya veriləcək.
Artilleriya qurğusunu ilə fransız-alman şirkəti KNDS və Almaniyanın "Rheinmetall" konserni istehsal edir.
Bir dəqiqədə səkkiz atəş aça bilən "RCH 155" hərəkətdə olarkən də atəş açmağa qadirdir. Qurğu yanacaq doldurmadan 700 km məsafə qət edə bilər.
