Braziliyada atışma: 200 turist təpədə qaldı
Braziliyanın Rio-de-Janeyro şəhərində polis əməliyyatı zamanı baş verən atışma səbəbindən təxminən 200 turist təpənin zirvəsində qalıb.
TodayPress TV xəbər verir ki, bu barədə "New York Post" məlumat yayıb.
Hadisə turistlərin günəşin doğuşunu izləmək və İpanema çimərliyi mənzərəsini seyr etdiyi vaxt baş verib. Onlar yaxınlıqdakı ərazidən silah səsləri eşidiblər.
Məlumata görə, polis narkotik kartelinin lideri kimi tanınan Ednaldo Perenie Souzanı həbs etmək üçün əməliyyat keçirib. O, tutulmazdan əvvəl gizli keçidlə qaçıb, lakin üç şübhəli şəxs saxlanılıb.
Turistlər təxminən iki saatdan sonra ərazidən təhlükəsiz şəkildə endirilib və hadisə zamanı xəsarət alan olmayıb.
Türkan İsgəndərli
