Braziliya ABŞ-nin gömrük rüsumlarına cavab tədbirlərinə başlayır

Braziliya hökuməti ABŞ Prezidenti Donald Trampın tətbiq etdiyi gömrük rüsumlarına qarşı cavab tədbirlərinin görülməsinə razılıq verib.

TodayPress TV xəbər verir ki, bu barədə “Globo” qəzeti məlumat yayıb.

Prezident Luis Inasio Lula da Silva ABŞ bazarına ixrac olunan Braziliya məhsullarına 50%-lik tarifin tətbiqinə cavab olaraq “İqtisadi qarşılıqlılıq haqqında Qanun”un işə salınması üçün məsləhətləşmələrin başlanmasına icazə verib.

Avqustun 28-də Braziliya hökuməti Xarici Ticarət Palatasına (Camex) qanunun tətbiqi ilə bağlı qiymətləndirməyə başlamaq səlahiyyəti verib. Palatanın Vaşinqtonun addımlarının cavab tədbirlərinə uyğun olub-olmadığını müəyyənləşdirmək üçün 30 günü var. Braziliya XİN-i avqustun 29-da ABŞ-ni mexanizmin işə salınması barədə rəsmi şəkildə xəbərdar edəcək. Rəsmi Braziliya hesab edir ki, bu addım dialoqun sürətlənməsinə təkan verə bilər.

Qiymət Mahir