Belarus: “Rusiyasız yarışlara qayıtmırıq”
Belarus idmançıları rusların iştirak etmədiyi beynəlxalq turnirlərə qayıtmaqdan imtina ediblər.
TodayPress TV "Gazeta.ru"ya istinadən xəbər verir ki, idman şərhçisi Dmitri Quberniev Belarus tərəfinin Beynəlxalq Biatlon İttifaqı ilə əlaqəni dayandırmadığını, lakin yarışlara dönüş prosesini bilərəkdən ləngitdiyini deyib.
Onun sözlərinə görə, belarus idmançıları açıq şəkildə bəyan ediblər ki, onlar yalnız rus idmançılarla birlikdə beynəlxalq arenaya qayıdacaqlar.
Xatırladaq ki, Rusiya və Belarus idmançıları BOK-un tövsiyələrindən sonra 2022-ci ilin martından etibarən bir çox beynəlxalq yarışlara buraxılmır. Paris-2024-də isə yalnız 15 rus idmançı bitərəf statusda iştirak edə bilmişdi.
Jalə Rövşən
