Başına 5 milyon dollar qoyulan kartel lideri saxlanıldı
Meksika hakimiyyəti “Los-Reyes” kartelinin lideri, “Ponço” ləqəbi ilə tanınan Alfonso Fernandes Maqalonu saxlayıb.
TodayPress TV xəbər verir ki, Meksikanın təhlükəsizlik naziri Omar Qarsiya Arfuş bildirib ki, onun tutulmasına səbəb olacaq məlumat üçün ABŞ tərəfindən 5 milyon dollara qədər mükafat vəd edilmişdi.
Nazirin sözlərinə görə, Maqalonun saxlanılmasından dərhal sonra kartel üzvləri onun daşınmasına mane olmağa çalışıblar. Cinayətkar qruplaşmanın üzvləri avtomobil yollarını bağlayıb, bir neçə nəqliyyat vasitəsini isə yandırıblar.
Kübra Musayeva
